Viti i ri universitar, që nisi sot, ka sjellë përplasjen e radhës mes aktorëve politikë. Ndërsa ministrja e Arsimit, Lindita Nikolla përshëndeti studentët duke vlerësuar maksimalisht procesin e përzgjedhjes në universitete, kreu i PD-së, Lulzim Basha e ka cilësuar si “nisjen më të trishtë” këtë vit të ri shkollor.
“Nuk ka pasur në këto 26 vite nisje më të trishtë të universitetit sesa sot. I lanë bosh gjysmën e auditorëve për shkak të politikës armiqësore me maturantët. Gjysma e këtyre 18-vjeçarëve ëndërrimtarë e idealistë janë rrugëve, ende pa përgjigje, në pritje të tepricave që do të lërë reforma e Edi Ramës. Po para kësaj, ata e të gjithë maturantët e vendit kaluan 2 muaj ferri, sepse nuk ishin në dorën e meritës e aftësive, mundit e djersës, por nën masën arbitrare, skandaloze të Edi Ramës, i cili ndryshoi papritur rregullat e lojës”, shkruan Basha në një postim në Facebook. /tesheshi.com/
