Ish-kampioni botëror në boks, njëherësh kryebashkiak i Kievit, Vitali Klitschko, është një nga aktorët e luftës ruso-ukrainase.
Ai po përpiqet ta zgjidhë konfliktin në të gjitha mënyrat diplomatike, por dhe ka veshur një uniformë ushtarake, me mesazhin se po mbron vendin e tij dhe aty, në frontet e luftës.
Klitschko tha se së bashku me vëllain dhe kolegun e tij nga “Hall of Fame”, Vladimir, do të luftojnë në “luftën e përgjakshme” pas pushtimit rus të vendit të tyre, Ukrainës.
Rusia filloi pushtimin e saj nga toka, ajri dhe deti të enjten pas shpalljes së luftës nga presidenti Vladimir Putin. Vlerësohet se rreth 100,000 njerëz u larguan pasi shpërthimet dhe të shtënat tronditën qytetet kryesore.
Në kanalin YouTube TheSun, ai transmetoi një mesazh nga Vitali Klitschko, i cili u tha edhe një herë rusëve:
“Kthehuni në shtëpi, nuk keni asgjë për të kërkuar këtu. Shpresojmë që kjo natë të jetë paqësore. Shpresojmë që rusët të marrin vendimin për t’u tërhequr në Rusi, sepse ata nuk kanë çfarë të kërkojnë këtu në shtëpinë tonë.
Unë shoh që populli ynë, të gjithë janë krenarë për ushtrinë tonë, ukrainasit tanë që po mbrojnë shtëpitë e tyre, familjet e tyre dhe respektin për të gjithë ata që janë të gatshëm të luftojnë për vendin tonë”, tha Klitschko. /tesheshi.com/
