Real Madrid do mbetet pa dy futbollistët, James Rodriguez dhe Danilo për më shumë se një muaj. Dy anëtarët e klubit mbretëror janë lënduar në ndeshjet miqësore të zhvilluara me kombëtaret e tyre, pasi kanë pësuar zgjatje të muskujve. Kështu, Real Madrid mbetet “viktimë” e miqësoreve të FIFA-s , në fillim të sezonit të ri futbollistik.
Një goditje shumë e rëndë për Real Madridin ka ardhur nga stafi mjeksor i klubit që ka konfirmuar dëmtimet e James Rodriguezit dhe Danilos. Dy futbollistët do mungojnë për më tepër se një muaj, pasi kanë marrë lëndime muskulare në ndeshjet miqësore që i zhvilluan në fundjavë me kombëtaret e tyre.
Kjo nuk është hera e parë që skuadrat europiane preken nga ky virus i FIFA-s dhe mbeten pa futbollistët kyç të skuadrave në fillimin e sezonit. Miqësore tw tilla janë konsideruar si tejet të rrezikshme dhe të dëmshme për futbollistët, kur bëhet fjalë për fillimin e sezonit të ri futbollistik. /tesheshi.com/
