Kryeministri populist hungarez i djathtë Viktor Orban kërcënon të vërë veton ndaj buxhetit të ri shtatëvjeçar të Bashkimit Evropian nëse Brukseli nuk zhbllokon fondet evropiane për Hungarinë.
Viktor Orbán e bëri këtë kërcënim në një intervistë me radion shtetërore hungareze të premten. Miratimi i buxhetit të BE-së kërkon pëlqimin e të gjitha shteteve anëtare.
“Mund të them me siguri se nuk do të kontribuoj në të”, tha Orban, duke iu referuar buxhetit, “nëse fondet që janë ende të bllokuara për Hungarinë nuk sigurohen në buxhetin e ri afatgjatë”.
Orban ka ushtruar presion mbi Komisionin Evropian disa herë në të kaluarën me kërcënimet e tij për veto. Komisioni ende po bllokon pothuajse 12 miliardë euro fonde të destinuara për Hungarinë, si dhe miliarda euro ndihmë në luftën kundër koronavirusit.
Brukseli do të heqë bllokadën vetëm kur Hungaria të zbatojë reforma të mëtejshme për të forcuar sundimin e ligjit. Negociatat për buxhetin e ri shumëvjeçar të BE-së për periudhën 2028-2035 duhet të fillojnë në mesin e vitit 2025. /tesheshi.com/
