Viktima të shumta nga një shpërthim i fuqishëm në Kabul

Një makinë me lëndë shpërthyese ka goditur zonën diplomatike në kryeqytetin e Afganistanit, në një prej shpërthimeve më të fuqishme në Kabul.

Shpërthimi ka ndodhur pranë ambasadës gjermane, duke marrë jetë të shumta civilësh.

BBC-ja raporton për 49 të vdekur dhe 320 të plagosur; një bilanc tragjik. Përndryshe, Al Jazeera sapo raporton për 80 të vdekur nga shpërthimi.

Zona ku ndodhi shpërthimi është çmuar si një nga më të sigurtat në Kabul, me shumë zyra qeveritare dhe godina të përfaqësive diplomatike pranë saj.

Numri i viktimave pritet të rritet, ndërkohë që përgjegjësinë për sulmin nuk e ka marrë ende askush. /tesheshi.com/