Ka persona, të cilët kanë vendosur t’ua dedikojnë gjithë jetën e tyre shtresave vurnerabël të shoqërisë dhe që kanë më shumë nevojë për një mbështetje morale dhe ekonomike. Janë të shumtë të pastrehët në Shtetet e Bashkuara të Amerikës, veçanërisht në qytete të mëdha siç është New York.
Andre McDonnell ka nisur të ndihmojë sado pak këta persona nëpërmjet një gjesti që për ta është me të vërtetë shumë i rëndësishëm: dhuron këpucë! Ai ka krijuar një kompani të quajtur “It’s from the sole” që do të thotë ‘Vjen nga shpirti’.
Janë plotë 3 mijë këpucë që janë dhuruar gjatë tre viteve të fundit nga McDonnell. Ai merr nga dhurues të ndryshëm këpucë që janë të reja apo vetëm pak të përdorura dhe pasi i pastron, ua dhuron të pastrehëve e personave në nevojë.
Vendi ku dhurohen këpucët është në Grand Central Terminal ose në Union Square. Por si i erdhi kjo ide? Gjithçka lindi tre vite më parë, ndërsa ai ishte duke luajtur basketboll: pa një të pastrehë pa këpucë dhe në mënyrë të menjëhershme hoqi të tijat dhe ia dhuroi. Pas këtij akti, nisi iniciativa e madhe./tesheshi.com/
