Kryeministri Rama ka publikuar marrëveshjen e nënshkruar mes tre palëve, financuese të kompanisë Air Albania.
Fjalëve se ky investim kishte dështuar, Rama iu është përgjigjur me një status e më pas me deklarimet e ministres Balluku dhe drejtorit turk të Turkish Airlines.
“Pas testimeve e trajnimeve, si edhe verifikimeve të suksesshme të autoriteteve kompetente ndërkombëtare, të cilave u nënshtrohet një kompani e re ajrore që mban flamurin e vendit, u firmos sot marrëveshja trepalëshe financiare e AIR ALBANIA-s që i hap rrugë certifikimit të saj. “Ata do të të shpërfillin, do të të përqeshin, do të të sulmojnë, po në fund ti do të fitosh” – Mahatma Gandi”, shkruan Rama.
Ndërkohë, ka qenë ministrja Balluku ajo që ka sqaruar se pse Air Albania po vonon.
“Krijimi i një kompanie ajrore është një proces i rëndësishëm sepse ka të bëjë me sigurinë që duhet t’i ofrojmë pasagjerëve. Sidomos kur flitet për një kompani që mban flamurin flasim për seriozitetin dhe përkushtimin më të madh që mund t’i jepet një procesi.
Air Albania ka kaluar nëpër fazat që kërkohet për t’u ccertefikuar, për të arritur sot në konkludimin e marrëveshjes financiare mes palëve e cila hap dritën jeshile për ccertëfikimin e kësaj kompanie nga autoritetit civile gjë që do të ndodhë brenda një jave ose 10 ditëve.
Jemi duke përfunduar procesin për të mbyllur projektin. Air albania shumë shpejt do të jetë në qiell. Kjo do të jetë krenaria e shqiptarëve dhe një nder i madh. Ne sot nënshkruam dokumentet e partneritetit”, tha Balluku. /tesheshi.com/
https://www.facebook.com/edirama.al/videos/396236717604707/?t=10
