Nuk reshtin aksionet e Vetëvendosjes ndaj Kryeministrit isa Mustafa.
Disa aktivistë të forcës kryesore të opozitës kanë goditur me vezë të prishura makinën e kryeministrit Isa Mustafa pasditen.
Ngjarja ka ndodhur në kohën që Mustafa po shkonte në Radio Televizionin e Kosovës.
“Do të vazhdojmë aksionet e protestat për ta bërë jofunksionale këtë qeveri dhe deri në dorëheqjen e Isa Mustafës”, tha përfaqësues të lëvizjes Vetëvendosje.
Ndërkaq, ka reaguar menjëherë Kryeministri i Kosovës, Isa Mustafa.
Ai tha se Qeveria po ndërton demokracinë e cila ndërtohet me debat publik dhe me ballafaqim argumentesh dhe jo me shpifje dhe me denigrime familjare.
Sipas tij, veprimet të tilla janë të papranueshme, ato janë të paligjshme, janë kundër traditës dhe zakoneve shqiptare që kemi ndërtuar me shekuj.
“Dëshiroj të them se ne do të punojmë pa hezitim për ta liruar këtë vend nga kërcënimet, ngado që vijnë ato, do të punojmë që çdo kush të përgjigjet para ligjit për veprimet e tij, nëse ato veprime atakojnë shtetin, atakojnë pronën, individët dhe familjet e tyre, çdo njëri duhet të merr përgjegjësi për veprimet e tij. Prandaj nga këtu kërkoi nga të gjitha institucionet e vendit që të marrin masat në fushë veprimet e tyre dhe çdo njëri si individ dhe institucion të marrë përgjegjësinë për veprimet dhe mosveprimet sepse në pyetje është shtet ndërtimi i demokracisë dhe këtë ndërtim do të ua lëmë atyre që kanë besimin e qytetarëve dhe atyre që kanë marrë mandatin e qytetarëve”, ka thënë Mustafa në mbledhjen e Qeverisë.
Kryeministri, Isa Mustafa ka deklaruar se i vjen keq nga qytetarët për gjuhën që ka përdorur por nuk do t’i kërkojë falje Lëvizja Vetëvendosje, derisa kjo e fundit nuk i kërkon falje familjes së tij të cilën e kanë ofenduar por edhe banorëve të fshatit Prapashticë, të cilët i kanë shqetësuar.
Këto komente Mustafa i bëri në një konferencë për media, ku ka sqaruar edhe çështjen e tenderit të djalit të tij. /tesheshi.com/
