Prishtinë – Themelimi i Gjykatës Speciale duket se do t’i nxjerrë edhe njëherë në rrugë deputetët, përkrahësit dhe anëtarët e Lëvizjes Vetëvendosje.
Kështu kanë bërë të ditur sot dy deputet të kësaj lëvizje. Gjatë një takimi me gazetar, Albulena Haxhiu dhe Glauk Konjufca, kanë thënë se mund të thirren edhe protesta, siç janë shprehur ata, në përpjekje për ta stopuar jetësimin e Gjykatës Speciale.
Këtë veprim ata do ta bëjnë, ngase, janë të bindur se opozita kosovare nuk ka fuqi që brenda për brenda Kuvendit të Kosovës ta pengojë formimin e gjykatës në fjalë.
Teksa kanë publikuar detaje nga projektligji për Gjykatën Speciale dhe nga amendamentet kushtetuese, deputetët e Vetëvendosjes kanë vlerësuar se Gjykata Speciale është paraparë të jetë tërësisht e pavarur nga sistemi gjyqësor i Kosovës./TeSheshi/
