Pas publikimit në media së Qeveria e Kosovës u ka dhënë tenderin djemve të kryeministrit Mustafa, ka reaguar ky i fundit me një postim në FB.
“Po lexoj se një makinë BMW, qenka rregulluar në një servis që e menaxhon djali im Besniku, një vlerë rreth 2,900 euro. Nuk e kam ditur për këtë, por nuk shoh asgjë të keqe që automjeti të servisohet në një servis të autorizuar. Shoh marri e budallallëk që kjo të bëhet lajm, sepse nuk është lajm nëse disa mjeshtër punojnë dhe e rregullojnë një makinë. Lajm i keq për neve është etja që të skandalizohen dhe të kriminalizohen ata që punojnë”, ka shkruar Mustafa në FB.
Por, menjëherë pas kësaj ka reaguar edhe Lëvizja Vetëvendosje e cila përmes aktivistëve të saj ka shkruar në muret e ndërtesës së Qeverisë shkruan parullën “Djemve Tenderët, Serbisë Zajednicën”.
Aktivistit Frashër Krasniqi ka thënë se gjendja në të cilën ka ardhur shteti i Kosovës është bërë e padurueshme. Kjo ngase në vendin tonë po qeverisin ca kusarë të cilët djemve të tyre ua japin tenderët kurse Serbisë territorin e Kosovës. Ata po e marrin buxhetin e popullit të varfër të Kosovës, për t’ia dhënë në formë tenderësh djemve dhe vëllezërve të tyre, kurse territorin dhe resurset tona, po ia japin Serbisë përmes Zajednicës.
“Kjo gjendje nuk mund të vazhdojë ngase vetëm dy rrugë janë të mundshme: ose shteti i Kosovës do të dështojë plotësisht dhe do të ndahet në vija etnike, ose qytetarët do të mobilizohen për ta mbrojtur Republikën. Normalisht, që kjo e fundit do të ndodh patjetër”, ka theksuar Frashër Krasniqi./tesheshi.com/
