Partitë të cilat kanë llogaritur në votat e veteranëve të UÇK-së për lokalet e 22 tetorit sipas të gjitha gjasave nuk do t’i kenë ato pasi që ata nuk do t’i marrin pagat nesër afat ky i dhënë për qeverinë.
Ministria e Financave ka deklaruar se nuk do të ketë pensione për veteranët derisa të mos votohet rishikimi i buxhetit në Kuvend, e që një gjë e tillë pritet të bëhet javën tjetër.
Hysni Gucati, kryetar i veteranëve thotë se familjarët e veteranëve dhe fëmijët e tyre kanë mbetur pa para që 3 muaj dhe kjo për ta është shumë e vështirë, andaj edhe do të bojkotojnë zgjedhjet.
Gucati paralajmëron se do organizohet protesta nëse pagat nuk ju dalin deri në ditën e premte.
“Deri të premten nëse nuk do na dalin pagat, atëherë do dal me deklaratë për t’iu bërë apel të gjithë veteranëve të mos dalin në zgjedhje. 4 vite do të shkojnë shumë shpejt dhe kjo do të ketë pasoja pas 4 viteve për të gjitha partitë. Nuk kemi paralajmëruar për protesta me datë të caktuar por shumë shpejt besoj se do të dalim me një vendim dhe me siguri që do të dalim në rrugë. Kam thënë disa herë që nuk e preferojmë daljen në rrugë, por këtë po na detyrojnë vet institucionet e Kosovës”, ka deklaruar Gucati për mediat kosovare.
Ndërkohë kryeministri Haradinaj ka deklaruar se veteranët do t’i marrin pagat javën tjetër dhe ka premtuar se më nuk do ketë vonesa. /tesheshi.com/
