Duke qenë se vera po afron dhe një pjesë e njerëzve do të nisin të frekuentojnë plazhet e Shqipërisë, ka qenë vetë drejtori i Agjencisë Kombëtare të Bregdetit, Auron Tare, ai që ka lëshuar një mesazh sensibilizues për të gjithë qytetarët, në mbrojtjen e mjedisit dhe pastrimin e plazhit.
“Tashmë që vera po afron. Për të gjithë ju që shkoni në plazh. Dhuroni vetëm Dy Minuta dhe pastroni vendin përqark jush. Merrni plehrat me vete. Lini pas një Plazh të pastër për të gjithë ata që do të vinë pas teje. Ju Faleminderit”, – shkruan Tare në Facebook, ndërsa bashkë me shkrimin shton edhe videon qe keni mundësi të shikoni më poshtë.
Edhe pse ka vetëm pak orë që videoja është publikuar, ajo është shpërndarë disa herë dhe ka marrë disa qindra shikime. Shpresojmë që edhe sensibilizimi i qytetarëve, sikurse i vogëlushit që është në video, të jetë i madh gjatë këtij viti. /tesheshi.com/
