Shtetet e Bashkuara do ta cilësojnë Gardën Revolucionare të Iranit si një “organizatë terroriste”, njoftuan zyrtarë amerikanë për Reuters, duke shtuar se kjo ishte hera e parë që Uashingtoni e konsideron zyrtarisht ushtrinë e një vendi si të tillë.
Ky vendim, që kritikët thonë se mund të shkaktojë reagim me efekt negativ, do të shpallet nga Departamenti i Shtetit të hënën – kanë theksuar zyrtarët. Thashethemet rreth kësaj lëvizjeje kanë qarkulluar për vite me rradhë.
Sekretari amerikan i Shtetit, Mike Pompeo, një kundërshtar i madh i Iranit, mbrojti këtë ndryshim në politikën e jashtme amerikane si pjesë e një qëndrim të fortë ndaj Teheranit.
Njoftimi vjen pak para përvjetorit të parë që kur presidenti Donald Trump u tërhoq nga marrëveshja bërthamore me Teheranin dhe vendosi të tjera sanksione që kanë paralizuar ekonominë iraniane.
Irani paralajmëroi për një reagim të fortë nëse SHBA merr një vendim të tillë.
E themeluar pas Revolucionit Islamik të vitit 1979, Garda ka për qëllim që të mbrojë sistemin qeverisës shiit dhe konsiderohet ai organizata më e fuqishme e sigurisë në Iran.
Ajo kontrollon pjesë të mëdha të ekonomive iraniane dhe kanë një ndikim të madh në sistemin politik.
Garda është përgjegjëse për programin iranian të raketave balistike dhe bërthamore. Teherani paralajmëroi se ka raketa deri në 2,000 kilometra, gjë që përbën një kërcënim për Izraelin dhe bazat ushtarake amerikane në rajon.
Garda ka rreth 125.000 ushtarë dhe i raporton drejtpërdrejt liderit suprem Ayatollah Ali Khamenei. /tesheshi.com/
