Ministri izraelit i Bujqësisë bëri thirrje për ndërtimin e tempullit hebre në vend të Xhamisë Al-Aksa të Jeruzalemit Lindor në shenjë hakmarrjeje për vrasjen e një kolonisti izraelit, njoftuan mediat izraelite.
“Ka ardhur koha për njohjen e së drejtës së hebrenjve në këtë vend dhe ka ardhur koha për të ndërtuar Malin e Tempullit”, tha ministri i bujqësisë Uri Ariel në funeralin e kolonistit, i cili u vra në një sulm me thikë në Bregun Perëndimor të hënën.
Për myslimanët, kompleksi i xhamisw Al-Aksa konsiderohet si vendi i tretë më i shenjtë në botë. Hebrenjtë, nga ana e tyre, i referohen zonës si “Mali i Tempullit”, duke pretenduar se ishte vendi i dy tempujve hebrenj në kohët e lashta.
Ariel i bëri thirrje qeverisë izraelite të “imponojë sovranitetin e plotë” në territoret palestineze.
“Ne duhet të themi në mënyrë të qartë se do të ketë vetëm një shtet sovran mes Jordanit dhe detit Mesdhe, që është shteti i Izraelit me Jeruzalemin e bashkuar si kryeqytetin e tij,” tha ai.
Qyteti i shenjtë, në të cilin gjendet Al-Aksa, mbetet në zemër të konfliktit të Lindjes së Mesme, me palestinezët të cilët shpresojnë që Jeruzalemi Lindor, aktualisht i pushtuar nga Izraeli, një ditë mund të shërbejë si kryeqyteti i një shteti palestinez. /tesheshi.com/
