Pacienti i parë që iu nënshtrua transplantit të veshkës nga një derr i modifikuar gjenetikisht vdiq të shtunën, vetëm dy muaj pas operacionit.
Richard Sleiman, 62 vjeç, nga Bostoni, jetonte me sëmundjen e veshkave në fazën përfundimtare kur vendosi të merrte një veshkë nga një derr që i ishte nënshtruar 69 operacioneve gjenomike, në atë që ekspertët thanë se do të shënonte “një epokë të re” në transplantimin e organeve.
Mjekët në Spitalin e Përgjithshëm të Masaçusets, ku u zhvillua operacioni katër-orësh më 16 mars, kishin thënë se ai po “shërohej mirë” kur u lirua nga spitali në fillim të prillit.
Aktualisht nuk ka asnjë të dhënë nga askush i përfshirë në procedurë apo nga familja e 62-vjeçarit se vdekja e tij lidhet me transplantin.
Pacienti që mori transplantin vuante nga diabeti dhe hipertensioni dhe kishte marrë trajtime në Mass General për më shumë se një dekadë. Ai ishte në dializë për shtatë vjet dhe në vitin 2018 mori një veshkë njeriu për pesë vjet pasi trupi e refuzoi atë dhe zhvilloi komplikime të tjera, duke përfshirë dështimin kongjestiv të zemrës.
Në vitin 2023, pacienti rifilloi hemodializën, por pati komplikime të rënda vaskulare dhe kërkoi shtrimin në spital.
Schleiman vazhdoi të punonte pavarësisht problemeve shëndetësore. Pritja për një tjetër veshkë njerëzore ishte e gjatë dhe ai kishte filluar të dëshpërohej. Mjeku i tij filloi të mendonte se çfarë alternativa kishin.
“Ai do të duhet të presë 5-6 vjet për një veshkë njeriu. Ai nuk do të mund të mbijetojë”, tha Dr. Williams, i cili e pyeti pacientin e tij se si do ta shihte marrjen e një veshke derri. Pacienti kishte shumë pyetje dhe në fund venddosi: “Unë e pashë këtë jo vetëm si një mënyrë për të ndihmuar veten, por edhe si një mënyrë për t’u dhënë shpresë mijëra njerëzve që kanë nevojë për një transplant për të mbijetuar,” tha ai në një deklaratë të siguruar nga Mass General. /tesheshi.com/
