Lajmi se Mino Raiola, një nga agjentët më të fuqishëm të futbollit, kishte ndërruar jetë, papritmas u shfaq si bombë.
Lajmi tronditi botën e futbollit, por dhe vetë të “ndjerin”, i cili, siç rezultoi, ishte ende në jetë, siç dhe është.
Ai ka postoi në rrjetin social Twitter, në llogarinë e tij zyrtare.
“Gjendja aktuale shëndetësore për të interesuarit: Jam i mërzitur që po varrosem për herë të dytë në katër muaj. Duket se mund të më ringjallin”, ka shkruar Raiola në profilin e tij zyrtar në Twitter.
Ky sportist 54-vjeçar është një nga më të suksesshmit në industrinë e tij.
Ai kujdeset për karrierën e shumë yjeve botërorë dhe është i famshëm për bashkëpunimin e tij specifik me Zlatan Ibrahimoviç.
Kujtojmë se shumë media italiane, përfshirë La Gazzetta dello Sport, raportuan sot se Mino Raiola, ndoshta agjenti më i famshëm i futbollit në botë, ka vdekur në moshën 54-vjeçare pas një sëmundjeje. Mirëpo, bashkëpunëtorët e tij të ngushtë pohojnë se nuk është kështu.
Sipas NOS holandeze, José Fortes Rodriguez, krahu i djathtë i superagjentit, thotë se Raiola nuk është larguar nga bota.
“Ai është në një gjendje të rënduar, por nuk ka vdekur”, tha ish-futbollisti spanjoll. Ndërsa gazetarja e AP, Daniella Matar shkroi shpejt në Twitter se kishte marrë konfirmimin nga agjencia e tij se Raiola nuk kishte ndërruar jetë. /tesheshi.com/
