Një djathëbërës italian humbi jetën mbrëmë në Lombardi, pasi u varros nën kokat e djathit që ranë mbi të nga një stivë. Qindra sosh ishin me peshë 40 kg secila, tha shërbimi zjarrfikës.
“U deshën rreth 12 orë për të gjetur viktimën”, shpjegoi Antonio Duzzi, kreu i departamentit të zjarrfikësve të qytetit Bergamo.
Ngjarja ndodhi në një magazinë në qytetin Romano di Lombardia, në jug të Bergamos. Në të ndodheshin gjithsej 25,000 koka djathë Grana Padano të vendosura në rafte metalikë që arrinin një lartësi prej 10 metrash. Mijëra koka ranë, duke vrarë pronarin e kompanisë, Giacomo Chiaparini, 74 vjeç, i cili po punonte brenda në magazinë.
Shërbimi zjarrfikës u lajmërua nga familjarët e viktimës, të cilët dëgjuan zhurrmën e shkaktuar nga rënia e mijëra kokave.
Sipas Corriere della Sera, pronari ishte i vetëm në magazinë ku po trajtoheshin djathrat. Ai kishte shkuar të kontrollonte robotin që vepron mbi to me një sistem të automatizuar. /tesheshi.com/
