Ahmet Golemi, një ish-kampion boksi, më pas komentator i ringut botëror për publikun shqiptar, ndërroi jetë në moshën 85-vjeçare mëngjesin e kësaj të shtune.
Golemi mbante titullin “Mjeshtër i Madh”, si një nga komentatorët më të mirë të boksit në vend.
Ai lindi më 5 qershor të vitit 1936, në Tiranë, ku edhe jetoi, ndërsa është i njohur po ashtu edhe si shkrimtar.
Më 7 maj të vitit 1979, Ahmet Golemi u dënua me 5 vite heqje lirie për agjitacion e propagandë, pasi festoi fitoren e bokserit të famshëm Muhamed Ali. Golemi u dënua me burg pasi bleu një tortë 250-lekëshe për fitore në fjalë.
Ndërkohë, regjimi e ndaloi ushtrimin e boksit.
Ahmet Golemi nisi riaktivizimin pas viteve ’90, duke i sjellë publikut shqiptar ndeshjet e mëdha, si dhe më tepër njohje mbi boksin botëror. /tesheshi.com/
