Në japonisht fjala karoshi, do të thotë “vdekja nga puna jashtë orarit.”
Viktima e fundit e karoshi-t është 24-vjeçarja Matsuri Takahashi, e cila ka punuar për agjencinë japoneze ad Dentsu dhe thuhet se ka regjistruar 105 orë jashtë orarit të punës brenda një muaji. Në punë ajo u përpoq të kamuflojë mirë paraqitjen e saj, por në Twitter ajo foli të vërtetën.
“Është ora 04:00 në mëngjes. I gjithë trupi po më dridhet”, thuhet se ka shkruar ajo në një postim. “Do të vdes. Jam aq e lodhur.”
Qeveria e Japonisë po përpiqet dëshpërimisht gjatë disa viteve të fundit të ndryshojë qasjen kulturore ndaj punës. Më parë këtë vit, kryeministri Shinzo Abe ka lansuar një iniciativë për një “reformë të stilit të punës”, që ka për synim ta bëjë pushimin më tërheqës për punëtorët japonezë.
Edhe pse rezultatet kanë qenë mikse, megjithatë disa kompani private kanë filluar të bëjnë ndryshime.
Dentsu, nga ana e saj, tani i detyron njerëzit që të marrin të paktën pesë ditë pushim çdo gjashtë muaj. Ajo gjithashtu fik dritat çdo natë në orën 10 të darkës, si një përkujtim për punëtorët se është koha të shkojnë në shtëpi.
Kompanitë e tjera kanë zgjedhur të transferojnë orët e tyre të lejueshme jashtë orarit herët në mëngjes, pra para fillimit të orarit të rregullt të punës. Kompania tregtare Itochu Corp hap dyert e saj në ora 5 të mëngjesit për këdo që dëshiron t’i ikë qëndrimit në orët e vona në zyrë. Punonjësve që zgjohen herët, u takon një mëngjes i lehtë dhe e njëjta pagë shtesë që do t’a kishin marrë po të punonin pas orarit të punës.
Një raport nga tetori, i cili shqyrton rastet karoshi dhe shkakun e tyre të vdekjes ka gjetur në një studim se, më shumë se 20% e njerëzve nga 10,000 prej tyre kanë thënë se ata punojnë të paktën 80 orë plotësuese në muaj. Gjysma e të intervistuarve thanë se heqin dorë nga puna shtesë, për të marrë pushime të paguara.
Sipas raportit, shumica e vdekjeve nga puna jashtë orarit janë të shkaktuara nga vetëvrasja, sinkopa e zemrës, sulmi në zemër ose goditje në tru – gjitha këto që mund të jenë shkaktuar nga stresi të tepruar.
Në qoftë se masat e reja dalin të jenë të suksesshme, si punëdhënësit ashtu edhe punëtorët e tyre do të binden në moton e artë që thotë se: “Puna juaj bëhet produktive kur ajo është e balancuar me jetën tuaj private.”/tesheshi.com/
