Kremtimet e 100-vjetorit të fundit të Luftës së Parë Botërore në Poloni, ishin njëherësh një shpërthim nacionalizmi. Aty u ndje qartazi efekti i një të djathte ekstreme në pushtet.
200 mijë njerëz që marshuan rrugëve të Varshavës, lëshuan në thirrje si “Shtetet e Bashkuara – perandoria e së keqes”, “Vdekje armiqve të atdheut”, “Polonia – e bardhë dhe katolikë”, e nën këtë atmosferë u dogj dhe flamuri i Bashkimit Evropian.
Në krye të kolonës së qytetarëve ishin dhe krerët e shtetut, presidenti Andrzej Duda dhe Kryeministri Mateus Moravijecki, ndërsa forca ushtarake mbanin një flamur të madh me mbishkrimin “Polonia për ju”.
“Le të jetë ky marshimi ynë i përbashkët, le të jetë një marshim për të gjithë, një marshim ku të gjithë dëshirojnë të marrin pjesë dhe të ndihen mirë”, tha Duda.
Ndërkohë, Presidenti i Këshillit Evropian, Donald Tusk, njeriu që zgjodhi të mos ishte në Paris por në Varshavë në ceremonitë e 100-vjetorit, tha se mosmarrëveshjet politike mbi të ardhmen e polake “nganjëherë janë shumë të forta”. Ai vetë është kundërshtar i të djathtës në pushtet në poloni. /tesheshi.com/
