Pas goditjes së parë vjen tmerri i radhës për Abdullah Al-Kurdin, berberin e Kobanës që humbi gruan dhe fëmijët në ujrat e Mesdheut, por pamjet e kanë kthyer në njeriun më të famshëm të botës.
Qyteti është një fantazëm stresi dhe asgjëje. Gratë e fisit qajnë siç është zakoni, por Abdullah është i mpirë totalisht. Mendon Galibin dhe Aylanin e vogël dhe kur fotografët e pafund shkrepin blicet, shpërthen në lotë. Pastaj mpihet sërish.
Kobani është kthyer në një tokë të shkretë, të çoroditur, të pluhurosur pa asgjë, të zhveshur.
Abdullah ka lënë Bodrumin ditën e djeshme dhe që atëherë nuk ka mbetur vetëm, siç i ndodh çdo emigranti. Fotoja e të birit e ka bërë të njohur dhe zia e tij është kthyer në pikëllim global.
Megjithatë një moment Abdullah foli, dhe nxori një fjali të çuditshme: “Shpresoj që vdekja e fëmijve të mij të shërbejë për mbylljen e dhimbjeve të popullit sirian”.
Në Turqi, një kortezh i gjatë i ka shoqëruar deri në kufirin me Sirinë në Suruc. Tre kilomentra pa mbërritur ka ardhur një autokolonë nga Kobani, i përbërë nga të afërm, por dhe disa deputetë të AKP-së, partisë së presidentit turk, Rexhep Tajip Erdogan dhe partisë kurde HDP, ndërmjet të cilëve dhe Dilek Oçalan, nipi i Dullës, liderit të burgosur të PKK-së.
Duke shpjeguar tragjedinë e dy djemve, Abdulla thekson se gomonia është përmbysur nga dallgët e mëdha. “Fëmijët më kanë rrëshqitur nga duart. Kishim xhupa shpëtimi por barka është përmbysur, pasi disa njerëz janë ngritur në këmbë për t`u çmpirë. Po mbaja për dore gruan time, por fëmijët më ranë”.
“Në Kanadaja doja të shkoja, atje ku jeton motra ime, por më ma mohuan zyrtarët kanadezë. Kur më vdiq gruaja dhe fëmijët më morën në telefon dhe më thanë nëse doja t`i varrosja familjarët e mij në Kanada. U thashë jo”.
Marrë nga: La Repubblica – Përktheu: Ylli Pata – /tesheshi.com/
