Nuk ka sesi mos të jetë i kënaqur trajneri i kombëtares shqiptare Gianni De Biasi me lojën e treguar nga futbollistët e tij që i sollën një pikë shumë të vlefshme kuqezinjve. Ndonëse mundësia për të marrë pikët e plota kaloi nëpërmjet këmbëve të Odise Roshit që nuk transformon në gol një mundësi ideale në çastet e fundit të ndeshjes.
“Ishte një ndeshje e vwshtirw, por besoj që e merituam barazimin. Po të ishim më të kujdesshëm në fund, në rastin e Roshit, mund ta fitonim ndeshjen dhe të shkonim atje ku donim”, deklaroi De Biasi.
“Në pjesën e parë mund të bënim më mirë sepse e patëm superioritetin numerik në mesin e fushës. Ekipi ishte i vendosur mirë dhe luajti mirë sidomos në mbrojtje”, shtoi ai.
Lidhur me ndeshjen e radhës ndaj Portugalisë, tekniku italian theksoi se skuadra e tij do përpiqet të marrë maksimumin, ndonëse kjo është ndeshja më e vështirë deri më tani.
“Portugalia ka ndryshuar shumë dhe me të e kemi ndeshjen më të vështirë deri më tani. Do të mundohemi të marrim një rezultat maksimal. Mjekra? Ishte për t’i trembur kundërshtarët para ndeshjes”, përfundoi italiani. /tesheshi.com/
