Ministri grek i Financave, Yanis Varoufakis tha se ai do të japë dorëheqjen nëse grekët pranojnë kushtet e kreditorëve në referendumin që do të bëhet të dielën në Greqi.
“Nëse grekët votojnë për ‘PO’, unë nuk do të jem më ministër i Financave të hënën në mbrëmje”,- tha Varoufakis gjatë jë interviste për Bloomberg të dhënë ditën e sotme. Ai shtoi se do të vijojë të ndihmojë vendin për të kapërcyer krizën në të cilën ndodhet.
Varoufakis u shpreh se ai pret që populli grek të ndjekë rekomandimet e qeverisë për të refuzuar kushtet e kreditorëve, të cilët kërkojnë rritje të taksave dhe shkurtime të mëtejshme të shpenzimeve, në këmbim të ndihmës.
“Do të preferoja të prisja krahun se sa të firmosja një marrëveshje që nuk strukturon borxhin e jashtëm të Greqisë”,- deklaroi Yanis Varoufakis.
Ai shtoi: “Ajo që ne po i themi popullit grek është se ne duam ta reformojmë këtë vend në kontekstin e ristrukturimit të borxhit”. /tesheshi.com/
