Çmimi i Madh i Abu Dhabit ishte i zhveshur nga emocionet e një gare të vërtetë. Shpallja më e herët e Mercedesit si fitues në rivalitetin mes konstruktorëve, dhe e Hamiltonit në betejën e pilotëve, nuk kishte lënë asnjë pikëpyetje për të.
E për këtë ishte radha e finlandezit Bottas të shkëlqente, i favorizuar edhe nga vendi i parë i zënë dje në provat zyrtare. Ai do të nisej i pari sot, për ta mbyllur garën po i pari, edhe pse në xhirot e fundit do të gjendej nën presionin e shokut të skuadrës, Hamilton-it.
“Eshtë vërtet një fitore e rëndësishme për mua,” deklaroi Bottas pa garës.
Hamilton përfundoi i dyti, i ndjekur nga Vettel, disi në hije me Ferrari-n e tij.
Momente interesante ofruan Alonso dhe Massa, dy ish-shokë skuadre, që patën dhe parakalime mes tyre, ku spanjolli u shfaq më mirë.
Për brazilianin, kjo ishte gara e fundit e karrierës së tij në Formula 1.
Pas treshes së parë, në radhë erdhën këta pilotë në dhjetëshen e shpërblyer me pikë: Raikkonen, Verstappen, Hulkenberg, Perez, Ocon, Alonso dhe Massa. /tesheshi.com/
