Nga Ali Pyka
TIRANE- Federata Shqiptare e Futbollit (FSHF) eshte bere prej ditësh haptazi qesharake ne syte e opinionit sportiv te vendit me vendimet qe ka marre, te cilat hedhin poshte njeri tjetrin.
Prej ditesh eshte folur e sterfolur per nje ndeshje te Superliges mes dy ekipeve kryeqytetase, Tiranes dhe Partizanit. Deri ketu nuk ka asgje te keqe, pasi ajo vleresohet si nje derbi dhe si e tille duhet vleresuar. Por, gjithashtu prej ditesh eshte folur e sterfolur per pamundesine e zhvillimit te kesaj ndeshje ne stadiumin “Qemal Stafa”, pasi siç jane shprehur edhe drejtuesit e larte te FSHF-se, tapeti i ri i shtruar ne fushen e stadiumit kohet e fundit, ende nuk eshte ne parametrat e duhura per zhvillimin e nje ndeshje. Ne rregull.
Dhe pas deklaratave te drejtuesve te FSHF-se, nisën “negociatat” mes dy ekipeve per te gjetur mundesine e nje fushe tjeter per zhvillimin e ndeshjes. Dhe te enjten (26 shkurt), FSHF publikoi ne faqen e saj zyrtare njoftimin e shumepritur per arritjen e marreveshjes nga te dy klubet, qe ndeshja Tirana- Partizani te luhet te shtunen (28 shkurt) ne stadiumin e qytetit te Peqinit.
Por, nuk kaluan as 24 ore nga arritja e “marreveshjes” dhe FSHF te premten (27 shkurt) publikoi ne faqen e saj zyrtare nje njoftim tjeter, i ngjashem per nga termat me ate te publikuar te enjten (njoftim qe te nesermen u zhduk nga faqja e FSHF-se), por vetem me ndryshimin e madh, se derbi Tirana- Partizani do te luhet pas 2 javesh. Per kete, thuhet ne njoftim (sikurse edhe te enjten), “të dyja palët kanë arritur dakortësinë që ndeshja, në pamundesi për t’u zhvilluar ditën e shtunë, të luhet pas 2 javësh në tapetin e ri të stadiumit “Qemal Stafa”, ndaj Federata Shqiptare e Futbollit po respekton marrëveshjen midis 2 klubeve!
Ky vendim i FSHF-se ngjalli reagimin e menjehershem te dy tifozerive dhe klubeve kryeqytetase, te cilet kane botuar njoftimet e tyre perkatese ne faqet zyrtare, ku veçohen edhe batutat qesharake ne distance te tifozeve kundershtare ndaj njeri tjetrit. E kujt i vlen nje situate e tille acaruese ne prag te ketij derbi te shumepritur? Kete mund ta dije vetem FSHF-ja dhe drejtuesit e saj.
Por, dhe ky por mund te krijoje perseri probleme. Cfare, do te thote dikush? Po ja, sikur 4 apo 5 dite para derbit Tirana- Partizani, drejtuesit e FSHF-se te inspektojne perseri tapetin e stadiumit “Qemal Stafa” dhe ai te bëhet shkas per nje spostim tjeter te mundshem te derbit? Po sikur tapeti te mos jete ne parametrat e duhur dhe te shtyhet perseri kjo ndeshje e shumepritur. Qe te luhet ne fushen e Peqinit as qe mund te bëhet fjale, se peqinasit jane zemeruar me FSHF-ne dhe te dy klubet qe e “tradhetuan” haptazi. Do te nisin perseri “negociatat” per gjetjen e nje fushe tjeter neutrale dhe nuk dihet se çfare do te ndodhe me pas dhe situata do te kaloje edhe ate qesharaken!
