Kryetarja e delegacionit të përhershëm të Shqipërisë në Këshillin e Europës, Valentina Leskaj, ka reaguar ndaj akuzave të opozitës së është pikërisht ajo ndër shkaktaret kryesore që mbrëmë në KiE kaluan disa amendamente serbe për Kosovën, të cilat ripotencojnë rolin e UNMIK-ut.
Por n/kreytarja e parlamentit shqiptar, tha se me delegacionin kosovar janë bashkërenduar qëndrimet dhe veprimet shumë më përpara se zhvillimi i mbledhjes së një dite më parë.
Por jo vetëm kaq. Përkundër faktit që miratimi i amendamenteve serbe u konsiderua dështim, për znj. Leskaj rezoluta e miratuar, brenda se cilës ishin pra dhe amendamentet, në tërësinë e saj shihet si pozitive.
Ajo e argumenton këtë qëndrim me faktin se përfundimet e rezolutës kërkojnë qartazi ngritjen e nivelit të marrëdhënieve të Këshillit të Europës me Kosovën.
Akuza e PD-së është se ajo nuk ka qenë fare në seancën e votimit, por Leskaj nuk e ka sqaruar këtë pikë akuze në deklaratën e saj. /tesheshi.com/
