Filma, romane, artikuj dhe dokumentare televizive. Më në fund, pas 35 vitesh, edhe një videolojë. Incidenti i Ustikës dhe historia e tij është shndërruar në një video-lojë me origjinë tërësisht italiane, i vendosur në bordin e DC9, e cila u rrëzua në mënyrë të mistershme në qershor të vitit 1980 mes Ustikës dhe Ponzës.
Numri i viktimave ishte 81. Shumë prej familjarëve të këtyre viktimave kanë ndihmuar dhe kanë dhënë kontributin e tyre në projektin dixhital.
“Ideja jonë e videolojës fatmirësisht përputhej edhe me dëshirën e tyre për të hedhur dritë dhe që edhe më të vegjlit të mësonin në lidhje me atë që ka ndodhur në Ustikë”, shpjegon Mauro Salvador, përgjegjës për realitetin virtual të Oculus Rift, lojës e cila është gati të dalë në treg në dhjetor .
Lojtarët do të mund të lëvizin në brendësi të avionit dhe të eksplorojnë zonën përreth. “Është një lojë mbi kujtesën që shpresojmë të shërbejë që edhe më të rinjtë të kujtojnë këtë ngjarje, edhe pse nuk kanë jetuar asnjë ditë në këtë tragjedi”./tesheshi.com/
