Jeni gati për nxirjen perfekte? Para se të ekspozoheni ndaj rrezeve të diellit, duhet të mbroni lëkurën me krem dielli, por edhe duke konsumuar ushqime që ju ndihmojnë të shmangni dëmet e rrezeve të diellit, por që favorizojnë nxirjen.
Ushqimet që ndihmojnë më shumë janë ato të pasur me vitaminë A, e cila favorizon prodhimin e melaninës dhe për pasojë garanton nxirjen e dëshiruar. Por cilat janë ushqimet e pasura me këtë vitaminë?
Për ti njohur më mirë, duhet parë ngjyra, pasi ato që përmbajnë vitaminë A, kanë ngjyrë portokalli, e cila tregon praninë e betakarotenës. Kështu që karotat, kajsitë, pjepri, portokallet, mango por edhe domatet dhe vezët, janë ideale për tu konsumuar për të favorizuar nxirjen në plazh.
Gjithashtu këshillohet të pihen çdo ditë dy litra ujë, për të mbajtur lëkurën e hidratuar dhe për të luftuar plasaritjen dhe tharjen e saj. Në ndihmë vijnë edhe ushqimet që përmbajnë vitaminë C, të cilat pavarësisht vështirësisë për të marrë ngjyrë, ndihmojnë më së miri nga rrezet e diellit. Vitamina C ka veti antioksiduese të cilat parandalojnë plakjen e lëkurës.
Ushqime të pasura me këtë vitaminë janë specat, luleshtrydhet, limoni, kivi, fasulet, bizelet, etj. /tesheshi.com/
