Që Usain Bolt mund të bëhet një ditë futbollist, kjo më tepër trajtohej si legjendë mediatike, ose si një dëshirë e fshehur e njeriut më të shpejtë të botës.
Ai e thoshtë shpesh, madje edhe lejonte veten të fotografohej, duke u stërvitur me Mancester Junajtid, Arsenal, apo Borusia Dordmund.
Por pas tërheqjes së xhamajkanit nga atletika, vjen edhe oferta e parë për mbretin e shpejtësisë.
Klubi i Burton Albion që militon në Championship (kategoria e dytë angleze), e ka ftuar Bolt të zhvillojë një provë serioz në futboll.
Sipas presidentit të klubit, shpejtësia e Bolt mund të ndihmojë skuadrën të arrijë objektivat e veta. Usain Bolt gjithnjë e ka thënë se donte të bëhej futbollist, por mbase ka patur ndërmend të vishte një fanellë prestigjoze.
Megjithatë, në moshën 30-vjeçare, nuk do të ishte keq t´a niste nga skuadra modeste, për të synuar më pas, ngjitjen mes më të mirëve. /tesheshi.com/
