E motra e një prej njerëzve që po përpiqet të bëhet lider në Lindjen e Mesme, Princi i Kurorës saudite Muhamed bin Selman, është objekt i një urdhërr-arresti të dalë së fundi nga një gjykatë franceze.
Princesha Hassa bin Selman, 40-vjeçe, akuzohet se ka urdhëruar një prej truprojave të saj që të rrahë një punëtor i cili ka qenë duke punuar te një banesë që ajo kishte në Paris, ngjarje kjo e ndodhur kohë më parë.
Ky zhvillim mund të komplikojë përpjekjet e presidentit Macron për të ndërtuar një marrëdhënie të mirë me Princin Muhamed, ndërkohë që ky i fundit do të vizitojë Parisin në javët e ardhshme.
Macron zhvilloi bisedime me Princin Muhamed në Riad në nëntor dhe është i gatshëm të zhvillojë lidhje tregtare me eksportuesin kryesor të naftës bruto në botë. /tesheshi.com/
