Kuotat që kanë paraqitur universitetet për studentët në vitin akademik 2017-2018 janë më të larta se kërkesat e maturantëve që duan të vazhdojnë shkollën e lartë.
Referuar të dhënave në auditorë pritet të ulen 28522 maturantë, ndërkohë që në dispozicion janë 32 267 kuota, një diferencë prej 3745 vendesh më shumë se aplikimet.
Zv.ministri i Arsimit, Gerti Janaqi, shprehet se nga sot qendrat e shërbimeve arsimore po përcjellin të dhënat e aplikantëve, të cilët do të jenë në dispozicion të universiteteve. “Në këto të dhëna përfshihen listat e notave, rezultatet e maturës dhe gjithçka tjetër që parashikohet”, tha Janaqi, duke u shprehur se referuar aplikimeve në raundin e parë dhe kuotave të propozuara, diferenca është rreth 7 mijë.
Kërkesat më të shumta janë për degën menaxhim biznesi në universitetin e Tiranës, më pas renditen degët e juridikut, shkencat sociale etj. /tesheshi.com/
