Unioni i Gazetareve Shqiptare/UGSH/ është njohur me kërcënimin që kolegia jonë Aurora Koromani, reportere në “Gazeta Shqiptare”, ka marrë nga një person i cili ende nuk është ndaluar nga autoritetet policore të vendit.
Kërcënimi ndaj koleges Koromani i përcjellë përmes rrjetit social face-book, përbën një shantazh dhe kërcënim të hapur për gjithë gazetarët. Kjo është gjuha kriminale e personave me lidhje të dyshimta dhe të kaluar të perfolur. Guximi i elementeve të tille për të kërcënuar gazetarët, për shkak dhe në krye të detyrës, është sfidë ndaj shtetit ligjor dhe një shoqërie që nuk mund të këtë terren për ekstremiste dhe mendësi terroristësh.
UGSH kërkon nga autoritetet shtetërore garantimin e plotë të jetës dhe qetësisë së gazetares së kërcënuar dhe mundësimin e një jete e veprimtarie normale për të, në aktivitetin e përditshëm raportues.
Kërkojmë me forcë nga organet e drejtësisë jo vetëm hetimin, por identifikimin dhe ndëshkimin ligjor të këtij personi, apo të sivëllezërve të tij që guxojne të kërcënojnë gazetarët për shkak te detyres.
UGSH shpreh solidaritetin e plotë me kolegen dhe në çdo moment është në mbrojtje të saj dhe të kujtdo gazetari/eje që mund të përballet me kërcënime të tilla.
