Ajo për të cilën Papa Françeksu ankohet, në Turqi po merr një zgjidhje unike, të paparë deri më sot. Papa akuzoi edhe ndërgjegjen e botës për pabarazi në qasjen për ushqim të njerëzve të pamundur, dhe nën këtë frymë, qeveria turke ka vendosur të hapë pika ushqimore për t’u mundësuar njerëzve blerje me çmime të arsyeshme. Pra shteti është future në treg për të mundësuar një alternativë nën një klimë tregu që kërcënohet nga abuzimet me çmimet.
Kjo eksperiencë po aplikohet këto ditë në Ankara e Stamboll, e nga suksesi që po ka, edhe i një dimensioni human, po shihet mundësia e përhapjes dhe në qytetet të tjera të Turqisë. Shteti ka hapur tregun e vet dhe fton blerësit: urdhëroni, blini me çmime të arsyeshme çfarë u nevijitet për t’u ushqyer.
“Ne do të vazhdojmë të ndërmarrim hapat e nevojshëm për të forcuar mekanizmat e shpërndarjes dhe për të siguruar qasjen e njerëzve në ushqim me çmime të përballueshme anembanë Turqisë, së bashku me komunat tona dhe me mbështetjen e biznesmenëve tanë”, deklaroi presidenti Erdogan, duke shtuar më tej se “ne nuk po konkurrojmë kundër tregtarëve tanë, por nduam të lehtësojmë qytetarët tanë nga barra e çmimeve të larta ushqimore”. /tesheshi.com/
