Mensur Krasniqi
Komisioneri i BE-së për zgjerim, Johanes Han, të premten e ardhshme, më 18 shtator, do të arrijë në Maqedoni që të sigurohet mbi progresin dhe rezultatet në implementimin e marrëveshjes politike të 2 qershorit, duke përfshirë afate të ndryshme për veprim.
Të njëjtën vërtetoi edhe zëdhënësja e Komisionit Evropian, MajaKocijançiç, e cila theksoi se eurokomisari Han, në suaza të vizitës në Shkup gjithashtu planifikon dhe ristartim të Dialogut inkuadrues të nivelit të lartë (HLAD) që gjithashtu u dakordua me Protokollin nga Përzhino më 15-të korrik.
Ndërkaq, sipas informacioneve nga Eurokomisioni, gjatë dakordimit të pikave nga HLAD me qeverinë e Maqedonisë, bëri të qartë se nëse deri më 15-të shtator nuk zgjidhet Prokurori special që do të merret me materialet e përgjuara të LSDM-së, ndërsa është afat përfundimtar sipas marrëvedhjes nga 2 qershori, se në këtërast Han planifikon ta anulojë Dialogun inkuadrues dhe vetëm të mbajë takime me përfaqësuesit nga pushteti, opozita dhe nga shoqëria civile në Maqedoni.
“Nëse partite politike nuk e respektojnë afatin përfundimtar nga 15-të shtatori për emërimin e Prokurorit special, natyra e çfarëdo vizite e komisarit do të jetë tërësisht e ndryshme”, kanë porositur nga Komisioni Evropian lidhur me vizitën e Han të caktuar për më 18-të shtator.
Kjo do të thotë se në rast se nuk zgjidhet Prokurori special deri në datën përfundimtare të theksuar, sipas marrëveshjes nga 2 qershori dhe Protokolli i të njëjtit nga 15 korriku, atëherë dialogu inkuadrues i nivelit të lartë mes Maqedonisë dhe Komisionit Evropian do të anulohet dhe vetëm do të ketë vizitë bilateral të Komionerit të Zgjertimit, Johanes Han. /Tesheshi.com/
