E shtuna do të “vërshojë” krerët politikë të Malit të Zi, Shqipërisë dhe kosovës në qytetin bregdetar shqiptar të Ulqinit, që është pjesë e Malit të Zi. Për “Ditën e Ulqinit”, këtë të shtunë, qyteti bregdetar i Ulqinit do të vërshohet jo vetëm nga krerët e shtetit malazias dhe ambasadorët e akredituar në Podgoricë, por edhe nga liderë politik rajonal.
Në ditën e komunës së Ulqinit, përveç Presidentit të Malit të Zi, Filip Vujanoviç dhe ambasadorëve të akredituar, atje do të jenë edhe kryeministri i Shqipërisë, Edi Rama, bashkë me zëvendëskryeministrin e parë të Kosovës, Hashim Thaçin. Rama e Thaçi, sipas mediave malazeze, në këtë ditë festive për Ulqinin, para liderëve malazez dhe trupit diplomatik, do të shpallen edhe qytetarë nderi nga kryetari i komunës së Ulqinit, Fatmir Gjeka.
Mësohet se në drekën zyrtare, e cila do të shtrohet për nder të presidentit Vujanoviqit në Ulqin dhe Ramës e Thaçit, atyre do t’iu bashkohet edhe kryeministri malazez, Milo Gjukanoviç. Dita e Komunës së Ulqinit, kremtohet të shtunën e parë të muajit prill. Kjo datë ngërthen në vehte disa simbolika. Këtë vit kremtimet do të fillojnë më datën 3 dhe do të përfundojnë më datën 5 prill. Seanca solemne e Kuvendit do të mbahet më datën 4.04.2015 në orën 11:00. Aty janë ftuar të marrin pjesë personalitetet më të larta shtetërore të Malit të Zi, përfaqësuesit e korit diplomatik të akredituar në Podgoricë dhe personalitete të tjerë. Janë ftuar dhe kanë konfirmuar pjesëmarrje Kryeministri i Shqipërisë Edi Rama dhe Zëvëndëskryeministri dhe Ministri i jashtëm i Kosovës Hashim Thaçi të cilët do të shpallen
(tesheshi.com)
