Sekretari amerikan i Shtetit, Anthony Blinken ka thënë se një shtetas amerikan është vrarë në Ukrainë, ku lufta është ndezur.
“Mund të konfirmoj se një shtetas amerikan është vrarë. Unë nuk kam detaje të tjera për ju përveç kësaj,” u tha Blinken gazetarëve gjatë një konference për shtyp.
Konfirmimi nga Anthony Blinken u bë pasi policia në qytetin ukrainas të Chernihiv raportoi se një amerikan është në mesin e të vdekurve në një bombardim rus.
Vyacheslav Chaus, guvernatori i Chernihivit, tha se 53 civilë ishin vrarë në 24 orët e fundit, në mesin e të cilavë ka qenë amerikani fatkeq, por Rusia mohon të ketë shënjestruar civilët.
Kush ishte amerikani që u vra?
Civili i vrarë ishte 67-vjeçari James Whitney Hill. Ai vdiq në fakt në Kharkov gjatë një sulmi ndaj civilëve ndërsa priste në radhë për të blerë bukë.
Detajet e tij u identifikuan pas një postimi të motrës së tij, Cheryl, në Facebook.
“Vëllai im Jimmy Hill u vra dje në Kharkov të Ukrainës. Ai priste në radhë për të blerë bukë si shumë civilë të tjerë të pushkatuar nga ushtarët rusë. Trupi është gjetur nga policia në rrugë”, ka shtuar ajo në postimin e saj.
Më herët, Blinken tha se ishte dakord që krime lufte po kryheshin në Ukrainë. “Të synosh civilët është një krim lufte”, tha ai.
Ekspertët amerikanë janë në proces të regjistrimit dhe vlerësimit të krimeve të mundshme të luftës në Ukrainë, shtoi ai.
Ai vazhdoi duke thënë se Rusia ka të ngjarë të rrëmbejë sistematikisht zyrtarët lokalë në Ukrainë dhe t’i zëvendësojë ata me zyrtarë kukull. Kjo tashmë ka filluar,” tha ai.
Pak ditë më parë u bë e ditur lajmi për vdekjen e një kameramani të rrjetit amerikan të lajmeve Fox News, pak jashtë Kievit. Kameramani Pierre Zakrzewski u qëllua për vdekje nga një makinë në të cilën po udhëtonte pranë Kievit.
Në veçanti, Zakrzewski po shoqëronte gazetarin britanik 39-vjeçar, Benjamin Hall, i cili u plagos kur automjeti i tyre ra nën zjarr në Horenka, afër Kievit, tha në një deklaratë CEO e Fox News Media, Susan Scott.
Kameramani ndodhej në Ukrainë me gazetarin Benjamin Hall që prej shkurtit, sipas CEO të Fox News.
Zakrzewski ishte një kameraman veteran që mbuloi shumicën e ngjarjeve kryesore të luftës të dekadave të fundit, nga luftërat në Irak dhe Afganistan deri në Siri.
“Ai kishte shumë talent, nga fotograf në inxhinier dhe producent. Ai i bëri të gjitha nën presion të madh me aftësi mbresëlënëse. Ai ishte gjithmonë gati për të treguar historinë. Trimëria e tij, profesionalizmi, përkushtimi në punë, të gjitha ranë në sy mes gazetarëve. Ai ishte një kameraman i njohur dhe të gjithë ata që punonin në media e vlerësonin punën e Pierre”, tha Scott në mesazhin e saj të lamtumirës. /tesheshi.com/
