Gjatë ditëve të fundit të luftës në Ukrainë, droni TB2 Bayraktar i prodhimit turk u dëshmua të jetë një nga armët më të besueshme në duart e ukrainasve. Këta dronë, sipas pamjeve nga fusha e betejës, po shkatërrojnë më shumë se me sukses mjetet e blinduara ruse dhe sistemet raketore kundërajrore.
Prodhuesi kryesor turk i dronëve Baykar ka prodhuar edhe më të fuqishmin, siç është Bayraktar Akinci B.
Shefi i teknologjisë i Baykar-it, Selcuk Bayraktar tha se Akinci B është droni i armatosur më i fuqishëm me aftësi luftarake në klasën e tij në botë.
“Pas Akinci B, Akinci C me 1900 kuaj fuqi së shpejti do të jetë në qiell”, tha Bayraktar.
Bëhet fjalë për një projekt për zhvillimin e mjeteve ajrore pa pilot, i cili po zbatohet nën drejtimin e Drejtorisë për Industrinë e Mbrojtjes të Turqisë. Zhvillimi dhe prodhimi i avionëve bazohen në burimet vendase turke. /tesheshi.com/
