Në konferencën me Komisionerin për Zgjerim Oliver Varhelyi, kryeministri Rama i mëshoi paqes së nevojshme mes Kosovës dhe Serbisë, duke thënë se paqja kir bëhet me armikun ka kuptim(se me mikun ekziston vetëvetiu).
I pyetur nga gazetarët nëse do ketë një Ukrainë të dytë në Ballkan, Rama tha se Serbia dhe Kosova duhet të bëjnë paqe dhe të ulen në tryeza për bisedime.
“Ajo që po ndodh në Ukrainë nuk është një arsye për të menduar se do kemi një Ukrainë të dytë po për të intensifikuar më shumë përpjekjeje për paqe. Paqja nuk bëhet me mikun, paqja bëhet me armikun dhe në këtë rast bëhet me armikun e deridjeshëm që nuk është miku i sotëm i Kosovës, por që është aty. As Serbia e as Kosova nuk ikën dot nga aty. Është një realitet që nuk e ndryshon dot askush”, arsyetoi Rama, për të kujtuar se nga kush e ka pavarësinë.
“Kosovën e kanë shpëtuar këto shtete: shtetet e BE dhe SHBA. Pa këto Kosova nuk do ishte dot e pavarur pavarësisht respektit që kemi për UÇK. Për të cituar një mik të madh të shqiptarëve: ‘Ky process kërkon durim strategjik, që nuk është një vyrtyt shqiptar’”, tha Rama. /tesheshi.com/
