Ministri amerikan i Thesarit Jacob Liu i bëri thirrje ministrave të financave të Shtatë vendeve më të industrializuara të globit që ti ofrojnë ndihmë më të madhe financiare Greqisë për t’i dhënë kështu fund krizës së borxheve të saj.
Liu tha se negociatat e lëkundura mes Athinës dhe kreditorëve të saj ndërkombëtarë prej gjashtë muajsh, kanë çuar në vonimin e Greqiaë për të paguar borxhet apo mund të çojnë në daljen e saj nga eurozona.
Ai paralajmëroi se kjo do të ketë pasoja të papritura për ekonomitë evropiane dhe globale.
Greqia duhet të paguajë kestin me vlerën 1.5 miliardë euro për Fondin Monetar Ndërkombëtar në datën 5 qershor. Dhe kjo me kusht që ajo të marrë likuiditetin e nevojshëm nga paketa e shpëtimit financiar, pasi është e ka të pamundur që ti paguajë ato nga buxheti saj.
Qeveria greke të hënën ka shprehur gatishmërinë e saj për të paguar çdo lloj detyrimi që ajo i detyrohet kreditorëve të saj, përfshirë edhe Fondin Monetar Ndërkombëtar, mirëpo ajo nuk konfirmoj potencialin e saj në rast se nuk merr këstin e rrallës nga paketa e shpëtimit financiar.
Zëdhënësi i qeverisë greke Gabriel Sakhilaredes theksoi se Athina e cila po përballet me një problem të madh të likuiditetit, do të respektojë “të gjitha detyrimet financiare”, për aq kohë sa ajo do të jetë “në gjendje për të paguar”.
Ai shtoi se është përgjegjësi e qeverisë greke dhe gjithashtu “e kreditorëve të saj respektimi i angazhimeve të tyre për të dhënë kredi.”
Ekonomisti kryesor në Fondin Monetar Ndërkombëtar, Olivier Blanchard ka deklaruar në një intervistë për gazetën franceze “Les Echos” se masat e propozuara nga Athina për kreditorët ndërkombëtare nuk janë të mjaftueshme në këtë moment.
Nga ana e tij, Presidenti i Mekanizmave të Stabilitetit Evropian Klaus Rageling tha se Greqia mund të marrë rreth 7.2 miliardë euro nga kreditorët e saj, por ai e kushtëzoi këtë me arritjen e një marrëveshjeje midis saj dhe shteteve të eurozonës dhe me zbatimin e reformave të mëtejshme.
France 24
