Katalanas Sport bëri të ditur se Ronald Koeman është shkarkuar nga posti i trajnerit të Barcelonës menjëherë pas dështimit të fundit në kampionatin vendas dhe të njëjtën gjë e ka konfirmuar shumë shpejt Barcelona me një njoftim zyrtar.
Kujtojmë se Barcelona është mposhtur në javën e 11-të të La Liga-s spanjolle në vizitë ndaj Rayo Vallecanos me rezultat 0:1.
Golin e fitores për vendasit e shënoi Radamel Falcao në minutën e 30-të të takimit.
Pas disfatës nga Reali, tifozët rrethuan makinën e tij në të cilën ndodhej me bashkëshorten dhe i kërkuan dorëheqjen, por edhe pas humbjes nga Ray, ai tha se as që e kishte menduar të jepte dorëheqjen.
Ai as nuk duhej, sepse klubi u kujdes për këtë dhe është e qartë se ai humbi besimin e Joan Laportes, presidentit të Barcelonës, ndoshta njeriu i fundit që besoi se me të në pankinë klubi mund të arrijë sukses dhe të fitojë diçka.
Kandidati kryesor për të marrë stolin e nxehtë është sigurisht mesfushori legjendar i Barcelonës, Xavi Hernandez, por përmenden disa trajnerë të tjerë të rinj të mundshëm…/tesheshi.com/
