Një grua e birësuar, pasi u gjet e mbështjellë me një batanije si foshnjë në tualetin e një spitali, u trishtua pasi mësoi se babai i saj i vërtetë kishte vdekur para se ajo të ishte në gjendje ta takonte
Leah, 26 vjeçe, u la nga nëna e saj në tualet në Spitalin Wythenshawe në Mançesterin jugor më 29 dhjetor 1994.
Zbulimi i foshnjës tre ditëshe nisi një kërkim për nënën, por ajo nuk u identifikua kurrë.
Më shumë se njëzet vjet më vonë, Leah, e cila u adoptua nga Debbie dhe Andrew nga Manchester në moshën 4-muajshe, vendosi të kërkonte prindërit e saj biologjikë së bashku me ekipin nga BBC që filmoi dokumentarin “Jetët Tona: Gjetja e Familjes Time”.
I filmuar gjatë një periudhe 3-vjeçare, dokumentari ndoqi kërkimin e saj për prindërit e vërtetë ndërsa kryente teste të ADN-së me shpresën për t’i gjetur ata.
Lea arriti më në fund të hasë një një kushërir të largët, Robertin, nga i cili arriti në gjurmët e të atit
Por në vend të një takimi të lumtur, Leah zbuloi se babai i saj, Lee Penney, vdiq në prill 2014 pasi pësoi një goditje në tru pak para ditëlindjes së saj të 40-të.
Për më shumë se 20 vjet, ai kishte jetuar vetëm gjashtë kilometra larg Leah dhe familjes së saj.
“Eshtë mirë që mësova për të. Por është e vështirë të pranosh faktin që ai ka vdekur”, tha Leah, duke qarë pas zbulimit të këtij lajmi të trishtë.
Ajo u zbulua si një foshnjë e vogël nga stafi i Spitalit Wythenshawe pak para Vitit të Ri 1994.
Mjekët besuan se foshnja, të cilën infermierët e quajtën “Holly”, ishte rreth tre ditë në kohën kur ajo u gjet. Rastësisht, policia besoi se nëna ishte ndoshta një adoleshente ose një grua e re, por detajet rreth saj nuk u zbuluan kurrë.
Debbie dhe Andreë, të cilët tashmë kishin një vajzë të birësuar dhe donin të birësonin një tjetër, panë një lajm mbi “foshnjën Holly”. Katër muaj më vonë, Leah ishte në shtëpi me ta.
“Unë kisha një jetë të mbushur me dashuri,” tha Leah, duke shtuar se asaj nuk i mungonte asgjë.
“A duhet të trishtohem për dikë që nuk e njoh? Diçka më lëndon, por nuk e di se çfarë dhe pse“, pyeti Leah teksa vizitoi varrin e babait të saj.
Ajo vuri në dukje se ka një dëshirë për të gjetur nënën e saj, për të gjetur pse u largua.
“Ne kemi bërë tashmë të pamundurën duke gjetur babanë tim, kështu që tani nuk është aq e pamundur të gjesh nënën time,” përfundon ajo në dokumentar. /tesheshi.com/
