Refugjatët sirianë që shpresojnë të kapërcejnë kufirin turk drejt Greqisë dhe Bullgarisë mund ta bëjnë këtë, por vendet fqinje nuk do t’i pranojnë, paralajmëroi ministri turk i Tregtisë, Cenap Asci.
“Ata nuk kanë pasaporta. Refugjatët tashmë janë në pritje, nëse vendet fqinje i pranojnë, Turqia do t’ua mundësojë kalimin”, tha ai në një vizitë në provincën Aksaray.
Kriza katërditore në kufirin e Turqisë me Greqinë nisi nga një lajm në mediat sociale se Gjermania do të pranonte me mijëra refugjatë sirianë.
Këto zëra bënë që me qindra refugjatë që jetojnë në kampe në Turqi të mblidhen në stacionin kryesor të autobuzëve në Stamboll për të blerë bileta që do i dërgonin pranë kufirit me Greqinë.
Madje, ata që nuk kishin para për bileta, e bënë rrugën në këmbë deri në Edirne,provincë kufitare me Greqinë.
Autoritetet turke njoftuan refugjatët se lajmi nuk ishte i vërtetë, por shumë prej tyre këmbëngulin të kalojnë në Greqi ose Bullgari për të vijuar më pas drejt Gjermanisë.
Përfaqësues të refugjatëve sirianë pritet të takohen edhe me kryeministrin turk, Ahmet Davutoglu për të zgjidhur krizën ndërsa turma njerëzish janë duke pritur ende në Edirne./tesheshi.com/
