Ka ardhur dhe “jo”-ja e Turqisë ndaj planit “të papranueshëm” të presidentit amerikan Donald Trump për zhvendosjen e popullsisë në Rripin e Gazës është kategorike.
“Deklarata e Trump për Gazën është e papranueshme”, tha Hakan Fidan në një intervistë për agjencinë turke të lajmeve Anadolu. “Dëbimi i (palestinezëve) nga Gaza është një çështje që as ne dhe as vendet e rajonit nuk mund ta pranojmë. Nuk ka asnjë mënyrë dhe ne as do ta diskutojmë atë,” insistoi ai.
Fidan paralajmëroi se çdo plan që i lë palestinezët “jashtë zgjidhjes” do të çojë në më shumë konflikt. Ai shtoi se Turqia do të rishikojë masat që ka marrë kundër Izraelit, si tërheqja e ambasadorit dhe ndërprerja e marrëdhënieve tregtare, nëse ndalojnë vrasjet e palestinezëve dhe ndryshojnë kushtet e tyre të jetesës. /tesheshi.com/
