Spanja është vendi që ka plazhet më të pastra në botë, ndërsa në vend të dytë renditet Turqia. Kjo bëhet e ditur nga botimi i klasifikimit botëror i përgatitur nga Organizata Botërore e Turizmit.
Të dhënat bëhen të ditura nga televizioni publik turk TRT. Turqia që mirëpret afërsisht 40 milionë turistë në vit, radhitet e dyta në botë për “plazhet me flamuj blu” që cilësohen si çmimi për pastërtinë natyrore nga ana e klasifikimit ndërkombëtar.
Ndërkohë, para 20 vjetësh në Turqi flamuri blu valëvitej vetëm në 5 plazhe, numri i plazheve më cilësore të cilësuara nga komuniteti ndërkombëtar, sot arrin në 436. Zona që mban më shumë flamuj të tillë është Antalja.
Shteti i parë në listën e plazheve më të pastra është Spanja me 578 flamuj.
Ndërsa në vend të tretë pas Turqisë vjen fqinji I saj Greqia me 395 plazhe. /tesheshi.com/
