Presidenti i Turqisë, Recep Tayyip Erdogan, po zhvillon një vizitë të rëndësishme në Kinë ku Turqia ka ndërmarrë një ofensivë të vërtetë drejt tregjeve aziatike.
Gjatë vizitës, kreu i shtetit turk realizoi një takim me përfaqësuesit e Bashkësisë Islame të Kinës.
Duke theksuar se Kina ka 35 mijë xhami dhe 40 mijë zyrtarë fetarë, sipas përfaqësuesve të komunitetit mysliman në këtë vend, Erdogan deklaroi se kjo është një situatë e kënaqshme.
I pranishëm në takimin me përfaqësuesit e komunitetit mysliman në Kinë ishte edhe ministri turk i Punëve të Jashtme, Mevlut Çavusoglu.
Më pas, Presidenti Erdogan mori pjesë bashkë me homologun kinez, Xi Jinping, në Forumin e Biznesit Turqi-Kinë.
Gjatë fjalimit në forum, lideri turk tërhoqi vëmendjen mbi deficitin tregtar ndërmjet dy vendeve dhe shtoi se “investimet, që Kina do të realizojë në Turqi, mbartin rëndësi të madhe në mbylljen e këtij deficiti”.
Erdogan u bëri thirrje biznesmenëve turq dhe kinezë që potencialet e tyre t’i vënë bashkarish në veprim, duke nënvizuar se tregtia duhet bërë me njësitë monetare kombëtare të dy vendeve.
Nga ana tjetër, kreu i shtetit turk vlerësoi marrëdhëniet turko-kineze në një intervistë ekskluzive për kanalin ÇTV, pjesë e rrjetit transmetues shtetëror të Kinës.
“Marrëdhëniet ndërmjet Turqisë dhe Republikës Popullore të Kinës janë shumë të rëndësishme. Erdhëm këtu me shpresën për të hedhur disa hapa me peshë madhore në këtë 45-vjetor të vendosjes së marrëdhënieve diplomatike turko-kineze”, u shpreh Presidenti Erdogan.
Xi Jinping mbajti fjalën e tij, ku shprehu se Kina dhe Turiqa ndodhen në pikat lindore e perëndimore të kontinentit dhe janë përkatësisht pika e fillimit dhe e fundit e rrugës së mandafshit. Të dy vendet kanë dhënë kontributë të rëndësishme për nxitjen e qytetërimit. Tani populli kinez po realizon projektin “dy 100 vjet” ku Turqia paraqiti planin 100 vjeçar të ndërtimit të vendit. Për të realizuar zhvillmin, mbështetemi jo vetëm tek përpjekjet, por edhe tek bashkëpunimi ndërkombëtar. Unë dhe presidenti Erdogan pranuam se në bazën e respektit reciprok dhe të përfitimeve të përbashkëta do të nxitet zhvillimi i mëtejshëm i marrëdhënieve të bashkëpunimit strategjik midis Kinës e Turqisë./tesheshi.com/
