Turqia pritet të alokojë menjëherë ndihmën për ndërtimin e Parlamentit të Shqipërisë.
Kjo bëhet e ditur nga një shkresë zyrtare e Ministrit të Financave Shkëlqim Cani, drejtuar Kuvendit të Shqipërisë, ku i kërkon se duhet të ndërpresin menjëherë fondin e investimeve pasi do të nisë puna për ndërtimin e godinës së re.
Ka qenë vetë Presidenti i Turqisë, Recep Tayyp Erdogan, i cili vizitoi Shqipërinëmë 13 maj, që premtoi mbështetjen financiare të Turqisë për ndërtimin e godinës së Kuvendit të ri.
Në buxhetin e vitit 2015, janë parashikuar gjithsej 98.800.000 lekë investime dhe 14 projekte gjithsej të meremetimeve dhe ndërtime të reja. Por 11 projekte janë shtyrë për shkak të nisjes së ndihmës turke.
Parlamenti i ri do të ndërtohet në godinën e kryesisë së Kuvendit, sipas një projekti tashmë të gatshëm, ku në mes të godinës së Gjykatës Kushtetuese, KLSH-së dhe Kryesisë do të ndërtohet salla e seancave me një kupolë xhami në krye. Projekti është i ngjashëm me Raishtagun gjerman.
Ende nuk është bërë e ditur shuma e ndërtimit të godinës së re, por burime flasin për qindra milionë euro.
/tesheshi.com/
