Klientëve në një hotel turk u është ofruar një shërbim i pazakontë: ata mund të thyejnë pjata e shkatërrojnë sende të ndryshme, deri dhe televizorë e kompjutera, në ato që quhen “dhoma të lehtësimit të stresit”.
Të ashtuquajturat ndryshe dhe si “dhoma të tërbimit”, sigurohen nga një hotel në Alanya, ku, klienti, para se t’u hyjë sendeve për “lehtësimin e stresit”, duhet të mbajë dhe një veshje speciale mbrojtëse. Pas kësaj, ai ka lirinë të ushtrojë dhunë mbi gjëra pa shpirt krejt në qejf të vet.
Stafi i hotelit tha se ky shërbim më së shpeshti përdoret nga meshkuj midis 18 dhe 38 vjeç, të cilët punojnë në sektorin e biznesit ose IT. Turistë nga Gjermania, Mbretëria e Bashkuar, Hollanda dhe vendet skandinave marrin rolin kryesor në “lehtësimin e stresit”, duke zgjedhur të “luajnë mendsh”. /tesheshi.com/
