Ndërsa vizitojnë Koloseun, një nga vendet më të famshme turistike, njerëzit kanë idenë të lënë aty inicialet e tyre, si kujtim.
Mirëpo, kjo gjë u ka kushtuar gjoba dhe ditë burgu me dhjetëra turistëve që e kanë provuar një gjë të tillë, të akuzuar për dhunim të një objekti trashëgimi kulturore.
Më i fundit që ka rënë pre e tundimit për të gdhendur inicialet në muret e Koloseut është një futbollist bullgar, që luan në serinë A të Rusisë. Ai u denoncua nga karabinierët për dëmtim të rëndë të objekteve me rëndësi historike dhe artistike. Pak ditë më parë një turist libanez u ndalua për të njëjtën arsye, kishte gdhendur inicialet e emrit të tij në një kolonë të Koloseut. /tesheshi/
