Edhe pse Brukseli i ka vënë kushte dhe ka gjasa t’i ndërpresë paratë, Kryeministri i Greqisë, Alexis Tsipras, sot u ka dhënë 300 mijë banorëve, energji elektrike falas, ka hapur mensa popullore për të varfërit dhe një vend për të fjetur për të pastrehët.
Në 89.300 familje greke ku banojnë rreth 212.216 persona u vendosën sahatë elektrik që kufizojnë deri në 300 kilovat-orë energjinë që duhet të përdorin.
Ndërkaq rreth 90 mijë grekë do të marrin nga 70 deri në 220 euro nga shteti për të paguar qiranë kush është i regjistriar si i pastrehë. Shuma e qparave të qirasë do të përcaktohet në varësi të të ardhurave që ka çdo familje.
Ndërkaq, Banka Kombëtare e Greqisë ka vendosur që do tu garantojë ushqime për 250 nijë persona të regjistruar si shumë të varfër. Ata do të marrin bono për të blerë në supermarket deri në 200 euro ushqimet kryesore.
Ndërhyrjet emergjente janë pjesët kryesore e “Dekalogut të Selanikut” që Syriza miratoi para zgjedhjeve. Ky plan ka qenë ndër të parët që ka kaluar në Parlament pas fitimit të zgjedhjeve, edhe pse nuk është lejuar nga ana e Trojkës. Kostoja e këtij plani është afërsisht 200 milionë euro; praktikisht një pikë në oqeanin e madh të faturave që Athina ka për të paguar, por që në fakt ky plan përbën një frymëmarrje më e lehtësuar për ata familje që do ta përfitojnë. Një jetë më e lehtë dhe më me dinjitet.
Në fakt hallet e grekëve të varfër kanë qenë pjesë e kritikave të ashpra ndërmjet kryeministrit Tsipras dhe Presidentit të BE’së Donald Tusk gjatë takimit të eurogrupit. “Për Athinën loja ka mbaruar” ka thënë polaku-presidenti i Këshillit Europian, por që ka pasur menjëherë replikën e kryeministrit grek: “Histori si e jona nuk është një lojë, po flasim për 1.5 milionë persona pa punë, në varfëri të skajshme dhe mijëra familje që nuk kanë strehë dhe asnjë të ardhur, por që jetojnë vetëm me pensionin e gjyshit”.
Të enjten Parlamenti grek miratoi ligjin që u jep shtetësinë të gjithë fëmijët e emigrantëve që kanë lindur në Greqi. Por ligji u miratua pa votat e partnerëve të së djathtës ekstreme të Syriza-s. Për të miratuar këtë ligj kanë votuar pro socialistët e PASOK-ut dhe të majtët e To Potami. /tesheshi.com/
