Kryeministri i Greqisë, Alexis Tsipras ka deklaruar në konferencën e përbashkët me homologun serb, Aleksandër Vuçiç në Beograd, se Athina do të mbajë të njëjtin qëndrim për Kosovën dhe se dy vendet kanë qenë dakord për një influencë ruse dhe kineze në Ballkan.
Gjatë vizitës zyrtare që po zhvillon në Serbi, Tsipras, që ka kundërshtuar që herët çlirimin e Kosovës nga NATO, ka mbështetur të njëjtin qëndrim, duke thënë se “E ardhmja e Ballkanit mund të ndërtohet vetëm mbi themelet e së drejtës ndërkombëtare, e jo ndërhyrjeve me shkeljen e rregullave. Në Ballkan nuk ka më vend për gjëra të tilla”.
Siç bën të ditur televizioni B92, “Kryeministri grek tha se të dy popujt janë të lidhur nga traditat, historia, kultura dhe lidhjet shpirtërore dhe se Greqia do të ketë një pozicion të pandryshueshëm ndaj Kosovës”.
Tsipras deklaroi se Athina zyrtare do të vazhdojë të mbështesë Serbinë në rrugën e saj evropiane, dhe se do të insistojë në përmirësimin e marrëdhënieve diplomatike mes dy vendeve, të cilat këtë vit shënojnë 150-vjetorin e tyre.
Vuçiç, nga ana e tij, ka përkrahur pjesëmarrjen e Greqisë në procesin e Berlinit dhe ka falënderuar Athinën për mospranimin e pavarësisë së Kosovës
Tsipras dhe Vuçiç ranë dakort që ndërmjet dy vendeve të krijohet një Këshill i Lartë për mbledhje të përbashkëta, siç ka ngjitur Shqipëria dhe Kosova, apo Shqipëria dhe Turqia në marrëdhëniet dypalëshe. /tesheshi.com/
